Motherboard Monitor 5 é un programa freeware, que permite monitorizar distintos parámetros do Pc.  Así podes ter un control das temperaturas da placa base e do procesador, controlar as r.p.m dos ventiladores do Pc (caixa, procesador e fonte de alimentación) e controlar a voltaxe. Tamén permite facer soar unha alarma cando calquera destes parámetros sobrepase os límites establecidos na configuración do programa e podes configuralo para que cando salte a alarma mande automaticamente un correo electrónico que inclúa todas as lecturas feitas polo programa (moi util para os administradores de sistemas xa que recibirán un correo de aviso en canto falle calquera parámetro nun Pc e así non teñen que estar comprobando persoalmente cada Pc ). Este programa é de moitisima utilidade para todas aquelas persoas as que lles guste ter baixo control o que pasa dentro do seu ordenador e sobre todo para os amantes de forzar o procesador para sacarlle o máximo rendemento (overcloking). Precisamente este é o programa mais usado polos overclokers para comprobar o funcionamento correcto do procesador nas súas probas. 

O Mbm está en continua revisión. Con cada nova revisión inclúense características novas e soporte para novas placas e chips. Cada revisión do Mbm tamén inclúe a tradución ao galego e a outras linguas. 

Para  obter máis información ou descargar a ultima versión do programa e arquivos de linguas, vai á páxina web do autor: 

http://mbm.livewiredev.com/

A tradución do Motherboard Monitor fíxoa Carlos Fco. Andión López.

Requisitos 

• Windows 95/98/98Se/Me/NT4/2000 
• A placa base ten que ser compatíbel co programa. O programa ten que ser capaz de recoñecer os chips encargados de monitorizar os distintos parámetros. Para saber se a placa base é compatíbel vai á páxina web do autor, onde aparece unha lista das placas soportadas polo programa e o nome dos chips que se encargan de monitorizar os distintos parámetros. Para poder monitorizar as r.p.m dos ventiladores estes deben ter a capacidade de control de r.p.m (os ventiladores que permiten o control de r.p.m teñen unha conexión á placa base de tres fíos, dous de alimentación e o terceiro de control de r.p.m). Se a placa base é de fabricación moi recente e aínda non está soportada, posibelmente nas seguintes revisións do programa xa estará soportada.

• Control da temperatura da placa base. 
• Control da temperatura dos procesadores (permite controlar placas duais). 
• Control das r.p.m dos ventiladores da caixa, do procesador e da fonte de alimentación. 
• Control das voltaxes. 
• Visualización das temperaturas na barra de tarefas.
• Alarmas para os distintos parámetros monitorizados.
• Posibilidade de mandar correo electrónico cando se active calquera alarma ou a intervalos de tempo.
• Lanzador para outros programas cando calquera dos parámetros monitorizados alcanze o valor establecido, por exemplo, o SHDN, o CpuIdle, o Rain. 
• Interfaz traducíbel
• Soporte para unha grande variedade de placas e chips.

Imaxe da xanela da Consola (Calcar na imaxe para ampliala)

Imaxe da Barra de Tarefas

Imaxe da xanela de Configuración

¿Como baixalo e instalalo?

1. Para baixalo debes ir á sección de descargas da páxina do autor premendo aquí. 
2. Dende esta sección descargas o programa (Mbm5.exe). Para instalar só tes que executar o arquivo que acabas de baixar e seguir as instrucións que aparecen na pantalla.
3. Dende a mesma sección descargas o arquivo Mbm5Language.exe. Para instalalo só tes que executar o arquivo que acabas de baixar e seguir as instrucións amosadas na pantalla. Este arquivo contén os documentos que traducen o Mbm ás distintas linguas, entre elas o galego.
4. Debes reiniciar o Pc para que o programa poida funcionar.
5. Unha vez reiniciado executas o programa dende o menú de inicio. Entón aparecerá na barra de tarefas a icona dun chip. Premes co botón dereito do rato na icona e elixes o menú "Settings". Entón ábrese a xanela de configuración do Mbm e na opción "General" escolles a lingua na que queres ver o Mbm, neste caso o galego.