LeechFTP é un cliente FTP de distribución libre para Windows. Ademais de poder descargar arquivos usando o protocolo FTP, pode facelo co protocolo HTTP. 

¿Como traballa? 

O elemento máis importante do LeechFTP é a Cola de Traballos: Cando vostede decida descargar ou cargar o arquivo, os arquivos non se transfiren de xeito inmediato.  En cambio, toda a información sobre a descarga gárdase na Cola de Traballos. Todas as actividades como descargar, cargar ou explorar directorios son considerados traballos e procésanse un detrás doutro. O procesamento é levado a cabo por fíos de procesamento independentes, de xeito que vostede poida continuar navegando polos cartafoles ou conectarse a outros servidores. Cada fío de execución conéctase ao seu correspondente servidor e comeza a procesar os ítems na cola. O máximo número de fíos de execución está limitado na actualidade a 16. O uso de fíos de execución optimiza o uso do procesador, de xeito que vostede poida executar varias transferencias simultáneas. 

Vantaxes 

• Multidescargas: Cada transferencia execútase nun fío de execución separado, facendo o mellor uso do tempo do procesador
• Transferencia simultánea de arquivos múltiples, aínda dende diferentes servidores.
• Proba integrada de arquivos para arquivos ZIP e RAR descargados. Avisa de que despois de descargar arquivos corrompidos ou truncados, os contidos destes tamén se poden ver.
• Descarga HTTP: Descarga arquivos dende servidores web especificando o URL
• Soporte de URL: Pode usar URLs para descargas e conexións
• Continuar transferencias detidas:As descargas e cargas FTP e HTTP poden continuarse (se o permite o servidor).
• Continuación intelixente: Cando continúa unha descarga FTP, LeechFTP comproba se o arquivo que se quere descargar corresponde a un arquivo local. Se non é así, o arquivo remoto é descargado dende o comezo. Isto evita continuar a descarga de arquivos incorrectos.
• Soporte de Proxy: LeechFTP soporta os servidores proxy para descargas FTP e HTTP.
• Transferencia de árbores completas de cartafoles: Transfírense todos os arquivos e subcartafoles que haxa nun cartafol; traballa coas descargas e as cargas de arquivos.
• Temporizador da cola de traballos: Pode usarse para poñer na cola transferencias e executalas nun tempo determinado. Isto pode ser útil se desexa facer descargas ou cargas de arquivos sen prestarlle atención.
• Descarga URL: Descargue arquivos doadamente especificando un URL válido
• Conexión rápida: Conectar aos servidores ftp especificando un URL válido
• Interface para FTPSearch: Pode usalo para atopar doadamente arquivos nos servidores ftp en todo o mundo.
• Soporte de Drag & Drop
• Monitoreo do portarretallos: Se desexa transferir rapidamente URLs dende o seu navegador web ao LeechFTP, pode activar a opción de monitoreo do portarretallos; cando un URL válido está nel, o arquivo engádese á cola de traballos.
• Os atributos dos arquivos nos servidores UNIX poden cambiarse doadamente.
• Límite de velocidade: Ás veces pode querer que o programa non utilice toda a velocidade posíbel de transferencia da súa conexión, polo que pode especificar a velocidade límite de cada un dos fíos de execución.
• Borrado recursivo de estruturas de cartafoles.
• Marcadores: Permite ter unha axenda persoal das conexións máis frecuentes que realices, para non ter que lembrar de cada vez as claves e códigos de conexión.