¿Que é o XIS?
¿Que é o Xis?
¿Como participar?
Área de traballo
¿Quén somos?
Software dispoñíbel
Ligazóns de interese
Galego21

Ola e benvid@ ao sitio do Proxecto Xis. Supoñemos que chegaches ata aquí sabendo algo de nós e que pretendes ampliar a túa información; ou se cadra, estás procurando algún programa en galego, ou quizais queiras colaborar connosco, ou sinxelamente chegaches por casualidade e estarás preguntándote quén somos. 

Imos supoñer en principio que non sabes o que é o noso proxecto, ou que tes unha referencia moi difusa. 

O noso proxecto ten como obxectivo a traducción de programas informáticos ao galego, software de balde ( freeware ), de distribución libre de código ou incluso, de cando en vez, programas para probar ( shareware).

En todo caso o obxectivo principal é crear, organizar e manter un grupo de persoas dispostas a ofrecer parte do seu tempo e dos seus coñecementos, ou institucións dispostas a ofrecer algo dos seus recursos, para conseguir termos programas en galego de distribución totalmente gratuíta.

No noso sitio podes obter información de cómo participar no proxecto, ou descargar aqueles programas e aplicacións que xa temos ao dispor de quen queira obter totalmente de balde software en galego.

Só nos queda animarte a participar connosco naquelas cousas nas que consideres que podes botar unha man.