Proposta de reunión musical para protestar pola actuación das autoridades frente o problema do Prestige.

A Asociación da Gaiteiros Galegos, e outros colectivos de músicos, pretenden
convocar unha gaiteirada para o día 6 de decembro en Santiago de Compostela,
como protesta pola actuación tan lamentable dos nosos dirixentes no caso do
des-Prestige.
Máis información
Xaneco: 696431657 / 982 393 278
A Melga: 981 59 05 02 info@amelgaweb.org

Anúnciase a posible publicación dun disco que tentará apoiar ós afectados pola marea negra do Prestige.

Mercedes Peón, A Quenlla, Budiño, Carlos Núñez, Berrogüeto, Anubía y Uxía son os nomes que soan para a elaboración dun disco que preténdese que vexa á luz dentro de seis ou sete meses. O obxectivo é que tódolos participantes renuncien os dereitos de autor e cedan a cantidade os damnificados pola traxedia.

Percedes Peón anuncia o lanzamento da segunda entrega de Raicieras, unha serie de discos de recolleita.

Có fin de celebrar o 25 aniversario de Xacarandaina, o frupo onde se formou Peón, vai publicar a segunda entrega de Raicieiras, unha serie de discos con grabacións de campo. Nesta ocasión, afirma Peón, a selección é máis purista e tenta abranguir tóda-las variedades musicais que hai en galicia.

Ás 19 horas na Casa das Crechas (Santiago de Compostela) hai unha xuntanza de músicos para tomar decisións verbo da desfeita do Prestige.

Velaquí está. Somos a Plataforma contra a Burla Negra

Burla negra é a marea que estamos a padecer nas nosas costas e mesmo nas nosas vísceras. É burla e é negra porque está a suceder unha vez máis e van moitas.

Unha burla negrisima é a actitude irresponsable dos gobernos. Intentan unha burla estupida e escura coa planificación e o control da información coa que queren engañarnos, coa que pretenden calarnos unha vez máis.

Mais non o permitimos. Somos galegos e galegas libres que imos dicir e comunicar o que pensamos e para iso nos xuntamos. Somos persoas dispostas e activas que cremos na cultura, no ensino e na información como formas de mover o mundo. Ninguen nos vai calar. Somos piratas.

Burla Negra era tamén o nome do barco do derradeiro pirata galego, Benito Soto.

Somos a Burla Negra. Somos a Plataforma contra a burla negra, actores, escritores, pintores, escultores, creadores, profesores, comunicadores, pensadores, faladores... cidadáns deste País indignados e afectados, cheos de petróleo.

Somos todos os que sabemos que non podemos calar mentres nos envorcan de merda.

Avante toda. O mar é noso.

Información sobre unha niciativa das xentes da cultura en prol da Galiza mariñeira

Transcribimos literalmente:

Para o luns 25 de novembro ás 18 h. no Auditorio de Galicia (sito na Avda. Burgo das Nacións s/n de Santiago de Compostela) está convocada unha xuntanza aberta, dirixida a todas as persoas e colectivos que traballan no noso país no ámbito da cultura.
As razóns que nos moven a impulsar esta xuntanza residen na necesidade de activarmos conxuntamente unha resposta ampla e solidaria, ante o grave desastre ecolóxico, social e económico provocado pola maré negra do petroleiro Prestige nas nosas nosas costas, entendendo que esta resposta ten que, por unha banda, transmitir a nosa solidariedade e apoio coas xentes da Galiza mariñeira golpeada unha vez máis nestes días e, por outra, demandar enerxicamente dos poderes públicos o desenvolvemento de accións que minimicen o impacto deste tráxico feito, tanto desde o punto de vista social, como de económico ou o ambiental.
Séndomos conscientes de que desde outros ámbitos da sociedade galega (sindicalismo, organizacións políticas, movemento veciñal, confrarías...) se está a traballar estes días na elaboración dun programa de accións e medidas encamiñadas a responder de maneira axeitada á actual situación, tamén entendemos as persoas implicadas nos máis diversos sectores da cultura estamos en disposición de facer un contributo aberto e xeneroso para con esta causa.
Con ese horizonte, fixemos esta convocatoria urxente de xuntanza para o vindeiro luns, que che facemos chegar, na esperanza de podermos contar contigo ben para a devandita reunión, ben para as futuras actividades que desde a Maré Solidaria poidamos levar a cabo.
· Luís Bará, concelleiro de Cultura de Pontevedra
· Alberte Momán Naval, membro das Redes Escarlata
· Sechu Sende, directiva da AS-PG
· Paula Ríos, colectivo Bambán
· Rafa Villar, directiva da AELG

Sae o número 4 desta revista on-line arxentina da Fundación Xeito Novo de Cultura Galega.

Dos seus contidos destacamos, entre outros, a publicación de tres rexistros sonoros, a análise do disco de Alan Lomax recentemente publicado ou a entrevista a Noitebra. Moi recomendable.

A gaiteira promociona o seu ben facer polo continente.

Susana Seivane, que rematou a xira por Estados Unidos, comenzou onte en Ámsterdam no New Gtwin theatre de Ámsterdam. Hoxe estará en Enschede, mañá en Leeuwarden e rematará a súa xira en Rótterdam o vindeiro sábado.

Durante os días 12 e 19 de Nadal realizarase na cidade de A Coruña un Homexe Ó Gaiteiro adicado as figuras de Pepe Temprano, Fernando Álvarez, Xosé Casal, Paradela...

Os vindeiros 12 e 19 de Nadal, na cidade da Crunha vaise celebrar unha Homenaxe ao Gaiteiro coa participación de "Donaire","Cantigas da Terra" e recibirán
homenaxe os seguintes: Pepe Temprano, Fernando Alvarez, Xosé Casal, Paradela, Cardelle... entre outros. As actuación serán curtas e serán apresentadas por un duo de actores que caracterizaran as vidas dos homenaxeados ou anédotas curiosas. O evento está organizado pola Asociacion Cultural Alexandre
Boveda.

A Asociación do Traxe Galego convoca este premio de investigación sobre o traxe galego.

1. Establécense dous premios:
Premio na modalidade de traballos analíticos por valor de 1.200 euros
Premio na modalidade de traballos descriptivos por valor de 600 euros

2. A modo de orientación, para a presentación de traballos:
Consideraranse na modalidade de traballos descriptivos aqueles que, recuperando traxes, especifiquen a materia con que están feitas as pezas, medidas, patróns, onde se atoparon, onde están actualmente e de que época é cada unha das pezas analizadas, pero evitando elevar esas pezas ou esos traxes, sen mais documentación que a confirme e complemente, a categoría absoluta para unha terra ou unha época.
Consideraranse na modalidade de traballos analíticos aqueles nos que, ademais se investigue quen fixo o traxe, con que mecanismos, como traballaba, en que área distribuía a sua producción. Nesta modalidade de investigación recoméndase non só a recolleita e catalogación das formas (incluindo a pescuda en inventarios post-mortem, na tradición oral ou na iconografía), senón tamén a investigación verbo das crenzas e valores relacionados co traxe, da influencia na indumentaria dos poderes relixiosos, económicos e políticos, e finalmente dos aspectos sociolóxicos, coma o dos artesáns da nosa indumentaria (zoqueiros, costureiras, etc.)

3. Os traballos achegaranse á sede da Asociación do Traxe Galego, Rua da Atalaia, n° 2, baixo, 15704 Santiago de Compostela, por correo certificado ata a data límite do 30/11/02.

4. Os traballos presentaranse en galego, en sobre pechado no que conste un lema e non poderán asinarse. O autor/a ou autores/as indicarán nunha cuartilla os seus datos personais: nome, apelidos, enderezo, teléfono e NIF, nun sobre tamén pechado no que conste o mesmo lema que no sobre que contén o traballo.

5. Os traballos deberán acompañarse da documentación ou fotografía correspondente.

6. Os traballos premiados poderán publicarse a iniciativa da Asociación do Traxe Galego, se así o estima, mantendo os seus autores/as, os dereitos de propiedade intelectual.

7. O Xurado será constituído por persoas de recoñecido prestixio no ámbito do folclore, antropoloxía e investigación do traxe galego.

8. O fallo do Xurado será inapelable, e poderá declarar desertos un ou mais premios se considera que a calidade dos traballos é insuficiente.
O fallo do xurado adoptarase por maioría simple dos seus membros, quedando aquel facultado para resolve-las incidencias que poideran xurdir nas súas deliberacións.

9. Poderá concorrer a estes premios calquera persoa, sexa cal fose a súa nacionalidade ou lugar de residencia.

10. Os traballos, a excepción dos premiados, voltaranse os seus autores/as dentro do mes seguinte o fallo do Xurado.

11. O Feito de participar neste concurso supón a total aceptación destas bases.

Bandas e gaita O santiagués multiusos do Sar acolleu esta fin de semana o primeiro festival internacional de Novas Bandas, do que saíron gañadores os cataláns Pitopans. Un premio que lles posibilita a presencia no festival de Novas Bandas de Venezuela. O segundo posto foi para os pontevedreses The Kambotes. E por outra parte, o gaiteiro Pepe Temprano acaba de gañar o premio Iar de Folclore Gallego que recibirá este domingo no Teatro Rosalía da Coruña.

O Conservatorio de Música Tradicional e Folque de Lalín realiza ó longo do ano distintos cursos mongráficos. En breve darán inicio os de Historia da Música Galega e o Pandeireta.

O conservatorio de Música Tradicional e Folque de Lalín informou dos cursos monográficos que vai realizar. Os relacionados coa música galega son os seguintes.

Curso de Historia da Música Galega. Impartido por Ramom Pinheiro (historiador e músico, foi productor do disco de Henrique Otero "O gaiteiro do Fragoso" e o curso pasado realizou este mesmo monográfico con notable éxito.
Duración 1 mes.
Horario: ás 18 horas.

Curso de Pandeireta Galega (Iniciación e Perfeccionamento). Impartido por Davide Salvado (alumno de canto do Conservatorio Folque, membro do grupo Ecléctica Ensenble que prepara un espectáculo co actor Carlos Branco para abril) e Uxía Pedreira.
Duración anual.
Horario: ás 16 horas.

Matrícula:
Pandeireta: 20 €/mes
Historia da música galega: 40 €

A presentación e formalización de matrítula será o Sábado 16 de nobembro
Máis Información no teléfono 669 535527 ou en folquelalin@hotmail.com