Eu caseime no Araño,
Coa filla dun arañón-e
Ela bonita non é,
Pobre sí, honrada non-e.

Eu caseme na montaña
Porque había moito pan-e
O forno da miña sogra
Bota silvas polo vran-e.

Eu caseime coa bonita,
Coa bonita sen facenda
Agora quero comer
A bonita non m'alembra.

Eu caseime por un ano,
Por saber que vida era
O ano vaise acabando,
Solteiriña quen me dera.

Eu caseime por un ano
Coidando de vender allos
Agora vendo cebolas
Por causa dos meus traballos