Muiñeira de Grixoa:

Unha boa cantadora 
Téñoa de par de min
Se me pregunta por ela
Direille que non a vin-e.

Dime por que non fala 
Dime quen te aconsellou,
Non falo porque non quero
Do que falei, me pesou.

Chégate aquí onda mín
Chégate aquí onda mín
Que che quero preguntar-e
En que eu che aborrecín.

Vela acolá , ven a lúa
Rabeando por nacer
Tamén ven os meus amores
Quén mos dera coñecer.