Cantigas de cegos:


Este ceguiño que ouvides cantando
de entrambos ollos da cara cegou
mais por agora vaise gobernando
con outro ollo que ainda lle quedou.

Isto que eu digo
contáronme a min
volvendo da feira
de PortoMarín;
con outras cousiñas
que vou contar eu
si non ou non certas
eu non vólo sei.

Como son vello e fáltame a vista
cando unha moza me ven a falar
pra me dar conta si égrosa ou é fraca
teño por forza que as máns apelar.

E teño observando
que as hai que se rin
e outras, moi pouquiñas,
que foxen de min:
a maor parte delas
chaman polas nais
pro chaman baixiño
e arrímase máis

Ana Marica quedouse soiña
porque o seu home pra Cuba marchou
e tal desgosto colleu a rapaza
que gravamente a coitada enfermou

E solo queria
que a fose a coidar
un primo que tiña
no mesmo lugar
e despois decia
cando xa sanou:
- gracias ás fretiñas
que manuel me dou.