Casa das Crechas
Via Sacra 3
Santiago de Compostela

Todo un clásico. Música tradicional e folc tódolos días. Concertos as fins de semana, audicións, concertos improvisados os mércores. Non é dificil ver por alí algún sonado músico galego.

Mesón Os Gaiteiros
C/ José Luis Bugallal Marchesi (Zona de Pajaritas)
Elviña II Fase - A Coruña
Tlf. 981 236 196
http://www.galinor.es/rcoruna/ogaiteiro/

Mesón onde soan as gaitas ó estilo máis tradicional, mesmo bailando e cantando. Participan xente como Brea, Marcelino, Ricardo, Raúl Galaico, Pepito Temprano... Tenche un sabor ao pais ...sobre todo o raxo. A troula remata cedo.

A Gaita
Eduardo Chao
Vigo

Antigamente chamada "A Gaita Grileira", é un importante lugar de reunión da zona. Os xoves a música das gaitas comeza arredor das doce: calquera se pode unir a festa, tocando ou bailando. Concertos organizados algúns sábados e venres. O resto dos días, pode soar calquera cousa. A calidade do licor café e igual de bó que o o ambiente. Moita xente coñecida de grupos e agrupacións folclóricas locais.

Lenda Moura
Hernán Cortés 17
Vigo

Local con pouco tempo de vida, pero que comeza a facer cousas: contacontos, recitais, exposicións... e por suposto música. De cando en cando vense por alí os da Universidade Popular para tocar algo. Pódese tocar ata eso das doce da noite, calquera día.

A Casa do Coto
Subida a San Cibrán de Tomeza
Pontevedra
Tlf. 654 373 073
http://www.acasadocoto.com

Local de tapas a cinco minutos do concello de Pontevedra construido nunha antiga casa de pedra restaurada no que, ademáis de cear, pódese escoitar música folk, actuacións en directo, exposicións, e outras actividades culturais. Na súa páxina web podes consultar as actividades previstas e como chegar o sitio.