Ravachol
Actualizado: 05/04/02

TREIXADURA


A historia do grupo escomenza no ano 1990, cando Antón e Xan López (anteriormente nun grupo de gaiteiros chamado Paseniño), Xaquín Xesteira e Xabier Martinez (que estiveran na banda de Baitas de Vilanova de Arousa) fundan Treixadura Gaiteiros, o que se uniría Ramón Vázquez "O Chirlo" pouco despois, provinte do grupo Os Faíscas de Sobreira. Antes da publicación en 1995 do seu primeiro traballo discográfico co título de "Obrigado", Pablo Nogueira substituía a Xabier Martínez.
O seu segundo disco "Unha noite no muiño", traía tamén consigo un novo cambio na súa formación. Ramón Vázquez abandoaba o grupo para adicarse profesionalmente á construcción de gaitas. Para Pola contra entraba na formación o acordeonista César Longa.
O repertorio do grupo procede, sen evita-las pezas de autor, do reportorio dos gaiteiros e grupos musicais que antigamente percorrían festas e romarías. Os nomes de Faíscas do Xiabre, Os Areeiros, Os Campaneiros ou Aires da Terra son habituais nas notas dos seus discos, así coma os de gaiterios de diversas procedencias. Deste xeito, o grupo rende culto a aqueles que mantiveron viva a tradición da música popular, e da a coñecer pezas pouco espalladas da cultura musical galega.
O grupo participou tamén na grabación de Albeida, o disco en solitario de Rodrigo Romaní, quen posteriormente produciría o seu terceiro disco, "Unha noite non é nada", no que o grupo prosigue a súa carreira e no que fai unha homenaxe a tradición e a transmisión da cultura musical galega.

DISCOS



Obrigado
(1996)

Unha noite no muíño
(1999)

Unha noite non é nada (2003)

 
 

ARTÍGOS E ENTREVISTAS

LIGAZÓNS

Páxina oficial do grupo: www.treixadura.com

OUTROS DATOS

Contratación:
Treixadura Gaiteiros
Apartado de correos 76, 36630 Cambados
Tlf: 986 414 196 - 609 805 837
treixaduragaiteiros@hotmail.com
SECCIÓNS



(c) 2001 Ravachol - proxecto desenrolado dentro de galego21.net
Contacto:
ravachol@ravachol.org