Redada 13

Pouco dura a alegría na casa do pobre

(15 de outubro de 2001)

^{Xa nos temos referido nunhas cantas ocasións (1)
ó proceso de xestación do Observatorio
das TIC, ás súas funcións e ás conclusións que se podían
inferir do primeiro informe elaborado por este organismo, Las TIC en
las empresas gallegas (sic}^{) (2). A
principios deste mes de outubro de 2001, o Observatorio das TIC
publicaba no seu web o seu segundo traballo, Informe
resumen sobre el nivel de utilización de las TIC en las empresas
gallegas (sic).}

Quen viñemos poñendo de manifesto a proliferación de organismos con composición, financiamento e funcións análogas, así como a falta de estudios oficiais serios e rigorosos sobre a implantación das TIC na sociedade galega vémonos obrigados, cando menos en primeira instancia, a saudar a iniciativa do Observatorio e a salientar o esforzo realizado para que en tan curto prazo nos permitan dispoñer dun avance (3) con datos referidos a un período moi recente, maio-xuño de 2001. Así mesmo, tamén resulta de agradecer que contrasten os datos de 2001 cos do primeiro informe (do ano 2000), e mailo feito de que neste segundo estudio introduzan medicións sobre variables como os usos lingüísticos dos webs, algo que viñamos reclamando dende que empezamos a investigar sobre as TIC e especialmente en varias das Redadas anteriores.

Mais, como di o dito, pouco dura a alegría na casa do pobre...

Non só tiñamos diante, unha vez máis, un web promovido pola Xunta de Galicia, coa colaboración doutras entidades sostidas con fondos públicos, como a Fundación para el Fomento de la Calidad Industrial y el Desarrollo Tecnológico de Galicia (tal é a denominación con que aparece no web do Observatorio), no cal se incumpre a lexislación vixente e se utiliza o castelán como lingua única e exclusiva de tódalas páxinas e seccións, senón que o mesmo ocorre no Informe Resumen. Outra volta, algo máis que un título...

En segundo lugar, tamén resulta abraiante o xeito en que se contrastan os datos máis recentes, os deste Informe Resumen de 2001, cos datos anteriores, para ver a evolución da penetración das TIC no sector empresarial. A lóxica levaba a pensar que se compararían cos datos do anterior informe do Observatorio, os do ano 2000, e que para contrastar aquelas variables que non se tiveran en conta daquela e que si se recollen no Informe Resumen de 2001, recorrerían ás estatísticas proporcionadas noutros traballos.

Contra a coherencia e a lóxica, a comenencia: cando cómpre, no Observatorio evitan os seus propios informes e botan man de documentos externos, máis axeitados, que lles permitan subliñar o notable avance que se produciu ó longo deste último ano en canto á introducción das TIC na empresa galega.

Por exemplo, o Observatorio esquece trazar neste Informe Resumen unha evolución da penetración das TIC na empresa galega baseándose nos seus propios datos do ano 2000. De facer a comparación, resultaría que as empresas galegas tiñan porcentualmente máis webs –case o dobre- hai un ano que agora mesmo:

^{Porcentaxe
de empresas con web propio}⁽^{Fonte:
Informes do Observatorio das TIC de 2000 e 2001)}

^{²⁰⁰⁰

²⁰⁰¹

^Diferencia

^{Microempresas}

^43%

^11,32%

^{- 31,68%}

^{Pequenas
empresas}

^46%

^27,62%

^{- 18,38%}

^{Medianas
empresas}

^68%

^46,95%

^{- 21,05%}

^{Total
empresas}

^51%

^21,26%

^{- 29,74%}

^{Á hora de comparar a presencia da empresa en
Internet por comunidades autónomas, non toman como referencia o dato do
Observatorio segundo o cal un 21,26% das empresas galegas teñen web de
seu no ano 2001. Obvio: non sería moi lóxico cruzar datos que proceden
de fontes e métodos diferentes (4)^{;
baséanse no dato facilitado pola Asociación Española do Comercio
Electrónico, que cifra esa presencia nun 39%. Claro que, postos a
escoller, tamén hai outras fontes que non apuntan na mesma dirección
da AECE: o estudio da Fundación Retevisión sitúa as empresas galegas
nos últimos lugares do Estado, e mesmo Telefónica, baseando o seu
estudio só nas grandes e medianas empresas, sitúa a porcentaxe de
empresas con web propio nun 24% (5)}^.}}

^{Empresas
con web propio}⁽^{Fonte:
Datos datos da AECE (Citada polo Informe Resumen do Observatorio
das TIC))}

^{C. autonóma}	^Posto	^%
^Madrid	¹	^44%
^{Aragón e Baleares}	²	^42%
^Galicia	³	^39%
^(...)
^Canarias	¹⁵	^20%
^Estremadura	¹⁶	^19%
^{C. A Mancha}	¹⁷	^18%

^{De maneira parecida, no epígrafe dedicado ó acceso
a Internet na empresa do bótase man doutro estudio alleo: "Segundo
SEDISI -Asociación Española de Empresas de Tecnoloxías da
Información- as empresas galegas ocupan o sexto posto a nivel de
Internet por comunidades, situándose claramente por riba da media
española". Unha afirmación cando menos un tanto dubidosa á vista
dos datos fornecidos polo propio Observatorio tanto en relación coas
tecnoloxías máis usadas para acceder á Rede (RDSI e analóxica case
á par, e a moita diferencia do ADSL e o cabo), como coas finalidades do
uso das TIC na xestión, como coas porcentaxes de acceso... Igualmente,
evítase analizar a evolución do acceso á Rede, en relación ó ano
2000, se cadra porque daría negativa, como reflectimos a seguir:}

^{Porcentaxe
de empresas con acceso a Internet}⁽^{Fontes:
Informes do Observatorio das TIC 2000 e 2001)}

^{²⁰⁰⁰

²⁰⁰¹

^Diferencia

^{Microempresas}

^69%

^61,13%

^{- 7,87%}

^{Pequenas empresas}

^85%

^76,16%

^{- 8,84%}

^{Medianas empresas}

^94%

^89,63%

^{- 4,37%}

^{%Total empresas}

^85%

^70,50%

^{- 14,5%}

^{Finalmente, os datos fornecidos polo Observatorio das
TIC no Informe Resumen de 2001 no referido ós usos
lingüísticos nos webs empresariais, novidade que non nos cansaremos de
felicitar, reafirman as tendencias e a diagnose que xa reflectiramos no
capítulo IX de Da periferia á Rede.}}

^{Idioma
da páxina web por tamaño das empresas}⁽^{Fonte: Informe Resumen do Observatorio
das TIC (2001)}

^{^Castelán

^Inglés

^Galego

^Outros

^Todas

^100%

^23,5%

^8,4%

^10,1%

^Microempresa

^100%

^18,2%

^4,5%

^9,1%

^Pequena

^100%

^24,3%

^12,2%

^9,5%

^Mediana

^96,5%

^52,6%

^10,5%

^19,3%

^{Así, como puxemos de manifesto naquel capítulo, a
falta de cultura empresarial sobre as TIC leva a que, proporcionalmente,
o uso do galego sexa menor naquelas empresas (menos de 10 traballadores)
que, polo seu dimensionamento, adoitan ter como mercado máis inmediato
o galego. Así mesmo, é nese sector onde se dá unha porcentaxe máis
que considerable (só 5 puntos por debaixo da media) de combinación
castelán-inglés, ou, noutras palabras, onde se pon de manifesto unha
estratexia lingüística inapropiada, que non utiliza o valor de marca
da lingua propia e leva mesmo, nalgúns casos, a usar unha lingua franca
que non se corresponde nin siquera co mercado potencial.
Pola contra, é na pequena (10-49 empregados) e
mediana empresa (50-250) onde se rexistra un maior uso do galego e onde
se observa mesmo un incremento doutras opcións lingüísticas: onde
semella que se ten máis en conta a estratexia lingüística como parte
importante da estratexia comercial.
Tamén se ve apoiada polos datos do Informe
Resumen a diagnose realizada en Da periferia á Rede en
relación coa política da Xunta de Galicia: dificilmente o empresariado
se vai ver animado a utilizar o galego na súa actividade, cando a
propia Administración que ten a obriga de promover o seu uso normal é
a que o proscribe dos contidos máis importantes e dinámicos que xera
nos ámbitos científicos, tecnolóxicos e socioeconómicos. Para
mostra, o idioma do web do Observatorio das TIC e dos seus informes.}⁽¹⁾^{Véxase
tanto Da periferia á Rede como Redadas
anteriores, nomeadamente a titulada "O fracaso dunha política: O
descoñecemento ralentiza a implantación das TIC na empresa galega (I e
II).}
⁽²⁾^{Actualmente, non dispoñible no web. Conservamos o resumo que, a
petición nosa, nos enviaron dende o Observatorio o 20 de marzo do ano
que andamos.}
^{(3) Sinalan que
a finais de outubro publicarán un "informe detallado sobre a
situación e tendencias referidas á aplicación das TIC nas empresas
galegas".}
^{(4) Tamén é
certo que só así poden afirmar que "Galicia ocupa o cuarto lugar
en presencia en Internet das súas empresas, situándose por riba da
media nacional"; se utilizasen o seu propio dato, Galicia ocuparía
o cuarto lugar... polo final.}
^{(5) Por non
falarmos das nosas propias estimacións: Da Periferia á Rede redúcea
ata 1,04%, dato referido ó ano 2000 e calculado sobre as 85.863
empresas contabilizadas no anuario do Consello Galego de Relacións
Laborais.}}

arriba

Subscríbase ás redadas

arriba