A través de todos estes anos a linguaxe logo pasou por múltiples versións, implementacións e modificacións, con resultado desigual. No sector educativo pasou de ser unha ferramenta case imprescindible na incorporación das novas tecnoloxías ao ensino, a caer no rexeitamento por parecer pasado de moda, en parte polo quizá excesivo énfase que nos anos setenta e oitenta se fixo nas linguaxes de programación como contido principal de todo o relacionado coa informática, énfase que esmoreceu co paso do tempo.
De todos os xeitos temos que situar o logo no seu lugar. Non se trata de aprender programación, logo non é unha fin en si mesma, é unha ferramenta, permite traballar cun ordenador e é unha excelente utilidade de autoaprendizaxe. Un neno pode comenzar con catro ou cinco conceptos básicos e ir elaborando conceptos novos a partir deles interactuando coa propia linguaxe e con outros compañeiros.