O logo é unha linguaxe interpretada (isto é, os comandos ou ordes que se lle dan son traducidos inmediatamente á máquina e a resposta xérase tamén no mesmo momento) o que significa interactividade. Non é preciso pasar por unha serie de pasos intermedios para facer funcionar o mandato.
É tamén unha linguaxe estruturada (no cerne da corrente principal da programación de ordenadores hoxe en día, maioritariamente "orientada a obxectos"). Isto quer dicir que realizar un programa non é facer unha lista ordenada de mandatos onde o problema a superar se descompón en pequenos problemas, senón que o proceso é inverso, de construción de conceptos que se van estruturando ou ramificando, desde as accións simples ou primitivas que aporta a linguaxe aos procedimentos elaborados.