Clic 3.0

• Clic permite o deseño, modificación (edición) e gravación de actividades educativas dos seguintes tipos: asociacións (unir con frechas ou identificar elementos nun conxunto), de texto (escribir palabras ou textos, identificar letras, palabras ou parágrafos, ordenar palabras ou parágrafos), crebacabezas (de catro tipos distintos), sopas de letras e encrucillados, dun xeito sinxelo e sen ter elevados coñecimentos de informática.
• Nestas actividades pódense empregar contidos textuais, imaxes, son, música, vídeo e mesmo animacións.
• Clic permite igualmente agrupar as actividades en secuencias (paquetes), se ben ten certas limitacións no encadeamento de actividades, xa que se centra na secuencia lineal de actividades e ten pouca predisposición ao plantexamento de ramificacións e/ou saltos no encadeamento.
• Clic serve igualmente para que os alumnos realicen as actividades preparadas previamente con facilidade, levando rexistro do tempo, acertos e fallos de cada alumno en cada actividade e paquete. Activando un sistema propio de identificación pode gardar os datos de cada alumno ou alumna durante períodos longos de tempo, podendo emitir informes individualizados de avaliación de maneira automática.

ClicPac

• É unha utilidade incluída no instalador do Clic, que permite convertir os paquetes de actividades entre os dous formatos do clic, o formato pac(aberto) e o formato pcc (compacto). O formato pac é o formato normal de clic. Todos os arquivos que forman as actividades mantéñense independemente dentro da mesma carpeta e polo tanto poden ser editados (modificados, cambiados) en calquer momento. O formato pcc é un formato compacto que agrupa todos os arquivos (excepto os de son e vídeo) nun único arquivo continuo máis reducido de tamaño. Non se poden editar directamente pero si visualizar (e efectuar as actividades como alumno). Para poderen ser editados os pcc deben convertirse en pacs. Para a distribución (sobre todo pola internet) recoméndase facer a operación inversa, pasar os pac a pcc. Clicpac encárgase de facer estas transformacións.

ClicDB

• É unha utilidade incluída no instalador do Clic, que permite acceder aos datos do rexistro de usuarios, é dicir, aos datos que Clic vai gardando de cada utilización que fai cada alumno ou alumna (acertos, erros, tempo investido, paquetes efectuados, mesmo xera unha representación gráfica da curva de aprendizaxe) sempre que estexa activo o sistema de identificación de alumnos. Clic garda os datos dos alumnos nunha base de datos de formato Access 1 (tamén chamadas de tecnoloxía Jet). A aplicación ClicDB permite efectuar operacións directamente sobre estes datos, compactalos, organizalos e imprimir informes individualizados do proceso de aprendizaxe de cada alumno coas actividade clic.
• Para que ClicDB teña datos sobre os que traballar é preciso que Clic teña activo o sistema de identificación de alumnos, e se os ordenadores están interconectados en rede, tamén é necesario que o arquivo de datos sexa único e que estexa situado nunha carpeta compartida na rede. Durante o proceso de instalación do Clic pódese, se se quer, ler e imprimir un documento que explica con detalle como facer esta operación.