como instalar?

Se xa tes o programa descargado, observarás que se trata dun executable (.exe).
O proceso de instalación do programa, se se vai usar nun único ordenador, só require activar ese arquivo desde o explorador do sistema e aceptar todos e cada un dos paneis que se mostran.

instalar en rede...?

Para empregalo nunha rede de área local, será preciso cambiar o directorio (carpeta) por omisión e usar unha carpeta compartida. Deste xeito, a información residirá no servidor e o alumnado poderá traballar en calquer ordenador da rede dispoñible, sen dependencia física de ningún en concreto
Nos ordenadores clientes haberá que crear unha ligazón (acceso directo) ao programa. Se non se dispoñen das librerías (complementos dll) necesarias en todos os ordenadores, cousa que pode ocasionar erros de execución, recomendamos instalar o programa en cada un dos ordenadores e logo desinstalalo sen eliminar os elementos compartidos. Así, garantimos unha execución libre de erros.